Екологија и биосистематика (акредитација 2018 год.)

Модул по Екологија

2 циклус, 1 година, 2 семестри, 60 ЕКТС кредити

Студиската програма на постдипломските академски студии по екологија и биосистематика (еколошки модул) е едногодишен академски програм, во обем од 60 ЕКТС, наменет за едукација и оспособување на студентите за научно-истражувачка и стручна работа во област на екологијата и заштитата на животната средина. По завршување на студиската програма студентите се стекнуваат со академско звање Магистер по екологија (м-р екол.) и имаат интегрирани знаења неопходни за научно-истражувачка и стручна работа во науката, стопанството, индустријата, земјоделството, шумарството, заштитата на природата и во други области. Овие постдипломски студии и програмата се организирани за стекнување на VIIА степен образование и целосно исполнување на дескрипторите за квалификации.

Студиската програма дава можност за понатамошна едукација на повисоко ниво, односно трет циклус студии (докторски студии) во различни области на екологијата и сродните научни дисциплини.

Стручен назив: Магистер по екологија (м-р екол.); Master of Ecology (MS. Еcol.)

Модул по Биосистематика

2 циклус, 1 година, 2 семестри, 60 ЕКТС кредити

Студиската програма на постдипломските академски студии по екологија и биосистематика (таксономски модул) е едногодишен академски програм, во обем од 60 ЕКТС, наменет за едукација и оспособување на студентите за научно-истражувачка и стручна работа во област на екологијата и заштитата на животната средина. По завршување на студиската програма студентите се стекнуваат со академско звање Магистер по биосистематика (м-р биосист.) и имаат интегрирани знаења неопходни за научно-истражувачка и стручна работа во научни институции, природно-научни музеи и сл. Овие постдипломски студии и програмата се организирани за стекнување на VIIА степен образование и целосно исполнување на дескрипторите за квалификации.

Студиската програма дава можност за понатамошна едукација на повисоко ниво, односно трет циклус студии (докторски студии) во различни области на биологијата и сродните научни дисциплини.

Стручен назив: Магистер по биосистематика (м-р биосист.); Master of Biosystematics (MS. Biosyst.)

Подолу се наведени поважните информации за студиската програма. За подетални податоци, преземете го елаборатот за студиската програма.

Преземете го овде Решението за акредитација на студиската програма, издадено од Одборот за акредитација и евалуација на високото образование.

Преземете го овде Решението за почеток со работа на студиската програма, издадено од МОН на РМ.

Начин на финансирање

Кандидатите се запишуваат како редовни студенти со самофинансирање на студиите на Институтот за биологија. Школарината изнесува 2000€ (во денарска противредност според средниот девизен курс на НБРМ). Во наведениот износ е вклучена и одбраната на магистерскиот труд. Цената на кредитот при повторното запишување на предметите од вториот циклус на студии, кои не биле положени во предвидениот рок, е регулирана со Одлука донесена од страна на Стручниот совет на ИБ.

Услови за запишување

Условите и критериумите на конкурсите за запишување на студентите на студии на Универзитетот „Св. Кирил и Методиј“ ги пропишува Ректоратот на Универзитетот во согласност со законските прописи и препораките на Министерството за образование и наука. На студиите од вториот циклус на Институтот за биологија може да се запише лице со завршен прв циклус студии (со минимум 240) кредити, односно со завршени четиригодишни додипломски студии (VIA) на признати високобразовни установи во РМ, согласно позитивните законски прописи, или со нострифицирана диплома на територија на РМ доколку е издадена од Универзитет надвор од земјата. Право на запишување имаат само кандидати кои го завршиле првиот циклус студии со среден успех над 8,00. Кандидатите со просек под 8,00 можат да се запишат на втор циклус на студии по биологија само доколку имаат објавено минимум два (2) научни труда од соодветната област, објавени во научно списание во кое трудовите подлежат на рецензија, за што одлучува Стручниот совет на Институтот за биологија на предлог на Наставно-научниот колегиум на студиската програма. Освен кандидати кои завршиле додипломски студии, односно прв циклус студии на Институтот за биологија и на двопредметните студии по биологија-хемија при Природно-математичкиот факултет, можат да се запишат и студенти кои завршиле студии по хемија- аналитичка биохемија, медицина, фармација, ветерина, земјоделство (соодветна студиска програма), шумарство (соодветна студиска програма) и студии на други сродни факултети. Одлука за соодветност на студиите и насоките за сите пријавени кандидати кои не завршиле додипломски студии, односно прв циклус на студии на Институтот за биологија ќе донесе Стручниот совет, на предлог на Наставно-научниот колегиум за студиската програма за втор циклус студии при Институтот за биологија, по принцип на застапеност на предмети во студиската програма од областа на биологијата. Доколку на конкурсот за последипломските студии се јават поголем број кандидати од предвидените слободни места за запишување на одредена насока, предност за запишување ќе имаат кандидатите со повисок среден успех од додипломските студии, односно од студиите од прв циклус. За странски државјани важат истите горенаведени одредби.

Информација за продолжување на образованието

Магистрираните кадри на студиската програма по екологија и биосистематика, можат да го продолжат студирањето на веќе акредитираните насоки на третиот циклус на студии на Институтот за биологија. Исто така, можат да се запишат на трет циклус на некој од сродните факултети при Универзитетот „Св. Кирил и Методиј“ и другите приватни и државни високообразовни институции во Република Македонија или во странство.

Структура на студиска програма по екологија и биосистематика

Структурата на студиската програма по екологија и биосистематика на Институтот за биологија е дадена во следната табела (П - предавања, А - аудиториски вежби, Л - лабораториски вежби).

Модул по екологија

*покрај понудената листа на изборни предмети за студиската програма и изборни предмети од Универзитетската  слободна  листа  (за  студиската  програма  по  екологија  и  биосистематика)  студентите можат да изберат и задолжителен или изборен предмет од листите на предмети од другите студиски програми кои се акредитирани на Институтот за биологија, ПМФ

Студентите не смеат да полагаат повеќе од два предмети кај еден наставник.

На почетокот на студиската година на студентите ќе им биде доставена листа на предлог-теми за изработка на магистерска работа на ниво на Институтот за биологија. Студентите имаат право да изберат некоја од понудените теми или самите да понудат тема за изработка на магистерската работа, но во тој случај се должни и да обезбедат услови за изработка на темата (просторни, материјални и сл.).

Листа на задолжителни предмети

Листата на задолжителните предмети на студиите по екологија и биосистематика – модул по екологија е дадена во следната табела:

Листа на изборни предмети

Листата на изборните предмети на студиите по екологија и биосистематика – модул по екологија е дадена во следните табели:

Структура на студиска програма по екологија и биосистематика

Модул по биосистематика

*покрај понудената листа на изборни предмети за студиската програма и изборни предмети од Универзитетската  слободна  листа  (за  студиската  програма  по  екологија  и  биосистематика)  студентите можат да изберат и задолжителен или изборен предмет од листите на предмети од другите студиски програми кои се акредитирани на Институтот за биологија, ПМФ

Студентите не смеат да полагаат повеќе од два предмети кај еден наставник.

На почетокот на студиската година на студентите ќе им биде доставена листа на предлог-теми за изработка на магистерска работа на ниво на Институтот за биологија. Студентите имаат право да изберат некоја од понудените теми или самите да понудат тема за изработка на магистерската работа, но во тој случај се должни и да обезбедат услови за изработка на темата (просторни, материјални и сл.).

Листа на задолжителни предмети

Листата  на  задолжителни  предмети  за  студиската  програма  по  екологија  и биосистематика –  модул по биосистематика е дадена во следната табела:

Листа на изборни предмети

Листа на изборни предмети по соодветните модули

Листата на изборните предмети на студиите по екологија и биосистематика – модул по биосистематика е дадена во следните табели:

Општ список на изборни предмети за сите студиски програми од втор циклус на Институтот за биологија

Сите изборни предмети носат 6 кредити и имаат фонд на часови: 3 часа теоретска настава и 3 часа практична настава неделно.

Начин на избор на предмети

Во рамките на двата модула од студиската програма по екологија и биосистематика, студентите ги запишуваат сите задолжителни предмети (два предмети, 40%). Четириесет проценти од изборните предмети студентите ги бираат од листата на изборните предмети од соодветната студиска програма (2 предмети). Останатите дваесет проценти од изборните предмети студентите можат да ги изберат од Универзитетската слободна листа (1 предмет) на изборни предмети.